ZALEN, February 05, 2026: Karleh tluan hian college hrang hrangte mipa leh hmeichhia volleyball inelna khelh a ni dawn a, mipa team 10 leh hmeichhe team sarih an inlan dawn.

Thawhtanni atangin LPS Arena, Falkland, Aizawlah Mizo Zirlai Pawl (MZP) leh Mizoram Volleyball Association (MVA) buatsaih D-3 Inter College Volleyball Tournament 2026 hi khelh tur a ni a, fixture pawh tlangzarh a ni tawh.

Inelna hi a tan ni bakah quarterfinal atanga final thlengin zan lamah khelh thin a ni dawn a. Thawhlehni leh Nilaini bikah erawh chhunah khelh a ni ang.

Mipa hi pool paliah thenin Pool A leh D-ah team hnih ve ve an awm a, a dang pahnihah team thum ve ve an awm thung a. Hmeichhia hi PoolA-ah team thum leh Pool B-ah team li an awm bawk.

Pool khata awmte hi an inkhelh kual hnuah a sang pahnih zelin quarterfinal an lut ang a. Final hi Inrinni zanah khelh tura ruahman a ni a, inkhel zawng zawng hi LPS Vision-ah live-a pek chhuah a ni ang.

MIPA POOL THEN:

A - Govt, Hrangbana College (G), Govt. J. Thankhima College

B - Govt. T. Romana College, Govt. Aizawl College (B), Govt. Aizawl West College

C - Pachhunga University College, Govt. Hrangbana College (R), Govt. Johnson College

D - Govt. Aizawl College (B), Govt. Aizawl North College

HMEICHHE POOL THEN:

A - Govt. Hrangbana College, Govt. Aizawl West College, Women's Polytechnic

B - Govt. Aizawl College, Pachhunga University College, Govt. Residential Science College, Govt. Aizawl North College