Sar thi Ni 28.5.2017 (Pathianni) khan Guwahati rel kawng sirah Mizo zirlai pahnih, NERLP kaltlanga Skill development hnuaiah Technician, Downtown Hospital-a zirlai mek C. Lalhmangaihsanga (24) s/o Chawnghranga leh R. Lalmalsawma (24) s/o Lalthanzami te ruang chhar a ni. Pathianni zan dar 7.30 vel khan Siangtei w/o Rev. H Lalsangliana, LIKBK, AOC Pastor leh Laltlanzami w/o K. Taipianga te inkhawm bang chu Maruti van in a su a, Laltlanzami hi a hliam tuar lovin a sutna hmunah hian boral. Pathianni chawnhnu far 3:30 vel khan Durtlang Leitan tlangval Lalawmpuia (19) s/o Lalnunmawii chu Reiek kai thlang Tlawng luiah a tla hlum. pathianni vek zan dar 7 vel khan K.Lalchhanchhuaha Salem Veng chu Taxi chesual ah a boral. Ruang hmuak Ni 29.5.2017 (Thawhtanni) khan Assam Downtown University Guwahati a Mizo zirlai C.Lalhmangaihsanga (24) s/o Chawnghranga leh R.Malsawma s/o Lalchhawnsanga (L) te ruang chu Mizoram thlenpui ani a, MZP huaihawt in chawhnu dar 1:30 khan Aizawl Vanapa hall ah ruang hi hmuah a ni. Sawiho Ni 29.5.2017 (Thawhtanni) khan Transport & FCS&CA Minister John Rotluangliana hovin a pisa ah Tanhril FCI Kudam kawt vela buhfai unload tur motor lian din dan tur leh lirthei kal dan chungchang sawi ho a ni. Cyclone Ni 30.5.2017 (Thawhlehni) khan Mizoram ah thlipui (Cyclone MORA) a tleh a, Mizoram chhim lam leh khawchhak hmun thenkhat ah in tihchyhiat engemaw zat a nei. CM-in hmu Chief Minister Lal Thanhawla chuan ni 30.5.2017 (Thawhlehni) khan Union Home Minister Rajnath Singh leh Minister of Youth Affairs & Sports Vijay Goel chu a pisa ah a hmu a, Mizoram mamawh hrang hrang a thlen. Conclave Ni 30.5.2017 (Thawhlehni) khan Guwahati-ah hmarchhak Health Minister-te intawhkhawmna, 1st Conclave of Health Ministers of North Eastern States neih a ni a, conclave ah hian Mizoram Health Minister Lal Thanzara chuan thu sawiin Mizoram mamawh rawtna pawimawh tak tak a thlen. Meeting Ni 31.5.2017 (Nilaini) khan Hawla Indoor Stadium Conference Hall-ah Mizoram State Sports Council (MSSC) term kal mek (2014-15 to 2016-17) General Body Meeting hnuhnung ber chu Sports and Youth Services Minister, MSSC President ni bawk Zodintluanga a hovin neih a ni. Hun hmang Ni 29.5.2017 (Thawhtanni) khan AIDS avanga thite leh AIDS natna dona avanga thite hriatrengna hun International AIDS candle Light Memorial Service chu Lal Thanhawla Auditorium ah hman a ni. NEC Meeting Ni 29.5.2017 (Thawhtanni) khan North Eastern Council (NEC) meeting vawi 66-na chu New Delhi ah neih a ni a, meeting ah hian Mizoram Larsap leh Chief Minister Lal Thanhawla te an tel. NEDP zir Ni 31.5.2017 (Nilaini) khan Mizoram Journalist Association (MJA) member-te tan New Economic Development Policy (NEDP) chungchang inhrilhfiahna leh sawihona ni khat awh workshop chu I&PR Auditorium ah buatsaih a ni.