ZALEN July 12, 2026: Mizoram sawrkara taxation department-in kumin kum kal mek, 2026-27 thla thum chhunga chhiah chi hrang hrang a hmuh chu Rs. 3,81,75,11,872 a tling tawh.

Taxation department tar lan danin kum kal mek, April - June chhunga chhiah hmuhna tam ber chu GST niin Rs. 2,73,02,78,648 hmuh a ni tawh a. Profession tax-ah Rs. 1,78,07,082 hmuh ni tawh bawkin sales tax-ah Rs. 78,41,33,001, road maintenance cess-ah Rs. 14,26,10,969 hmuh ni bawkin, chhiah hmuh na dang (others)-ah Rs. 71,2024 hmuh a ni.

April, 2026-a chhiah hmuh zawng zawng chu Rs. 2,09,30,61,056 a tling a, May, 2026-ah Rs. 92,51,49,119 leh June, 2026-ah Rs. 79,93,01,696 hmuh a ni. 

Taxation department-in kum liam ta, 2025-26 chhunga chhiah a hmuh zawng zawng zat chu Rs. 12,78,55,13,765 a tling a, hei hi kum 21 chhunga chhiah hmuh tam ber kum a ni.

Taxation department tar lan danin kum liam ta chhunga chhiah hmuh zinga Rs. 9,31,62,76,931 chu GST atanga hmuh a ni. Hetih lai hian taxation department hian kum 2024-25 chhung khan chhiah chi hrang hrang atangin Rs. 11,49,81,88,170 an hmu.

Sawrkar kum kalta chhung khan April, 2025-ah chhiah hmuh tam berin hemi thla hian Rs. 1,79,51,94,242 hmuh a ni a, sum hmuh tlem ber thla, August, 2025-ah Rs. 73,85,45,328 hmuh a ni.