Thlam a riahpui nghawng tan sak
Tualchhung
Nov 07, 2025

ZALEN Nov. 7, 2025 : Nizan hmasa dar 10-11 inkar vel khan Dilzau mi huan thlama awm Lalhlimpuia (55), Pandaw, Myanmar chuan a riahpuipa Myanmar lam mi bawk Tinchiauva (58) chu a lu a tan sak. 


SDPO R Lalnunpuia hnen atanga Kolasib Aw thudawn danin an pahnih hian Aizawl lam mi huanah inhlawhin an awm dun a, thil thlen zan hian an thu inhmu lo chu inhnial zelin Lalhlimpuia hian Tinchiauva inring lo lai chu a chempuiin a sat ta thut a ni. 


Ruang hi nimin khan post mortem a ni a, Keitum lama awm an chhungten ruang hi an hlawm dawna hriat a ni. Pawikhawihtu hi police ten manin thubuai siamsak a ni.

#ZalenNews

Latest News & Chhiar Hlawh