ZALEN, July 20, 2026: Falkland YMA hruaituten vawiinah khan thlanmual-a kraws ru thin mi pakhat an man.

Falkland YMA hruaitute atanga ZALEN thu dawn danin Falkland Kumpuan Sub-committee te chuan tunhnaiah thlanmual veng hian an tlaivar thin a, vawiin khan vengchhungah memberte in sem darhin chhun dar 12:00 velah khan vengchhung a rawn kal tlang leh lo changin kraws rutu Vanlalfela Salem Veng nia in chhal chu an man tih an sawi.

Vanlalfela hian tun hnai ni li chhungin Falkland thlanmualah kraws 14 vel a lak thu a sawi a, Ramhlun thlanmualah kraws 18 vel a ru tawh bawk a ni. A thil ruk te hi thirchhia atan a hralh thin niin YMA hruaitute a hrilh.

Falkland YMA hruaitute sawi danin, Vanlalfela hi chenna mumal nei lo, hmun hrang hranga riak kual thin a ni.