ZALEN Dec 18, 2025: Kumin chhungin Aizawl DEF hnuaia police station hrang hrangah thubuai 1764 ziahluh niin, pawikhawihtu mi 2000 man an ni tawh.

Vawiina thuthar thehdarhtute a kawmnaah he thu hi tarlangin Aizawl SP Zosangliana IPS chuan, thubuai ziahluh tawh zawng zawng zinga thubuai 1009 te chu investigation process zo felin, final report (chargesheet) thehluh a nih tawh thu a sawi.

Aizawl SP tarlan danin, thubuai 421 ah hnuchhui hna la kalpui mek niin, chhuichhuah loh thubuai 333 a awm. Heng thubuai avanga pawikhawihtu man zawng zawng zat chu mi 2000 an ni.

Thubuai ziahluh atanga za zela 66 chu rukruk leh inrawk thubuai a ni. Kumina thubuai ziahluh court in a chinfel tawh atanga za zela 91.7 ah dan bawhchhetute thiamloh chantir an ni bawk. 

Aizawl DEF hnuaiah Bawngkawn PS in thubuai ziahluh an nei tam ber a, kuminah thubuai 636 an ziaklut tawh.