ZALEN May 21, 2026: : Vawiin khan Horticulture Minister C. Lalsawivunga chuan Mualpheng Greenhouse Cluster Tomato Lawh Runpui chu Mualpheng Aikawn Zau-ah a hmanpui. 

Heng Green House Tomato te hi August thla thleng lo thei tura ngaih a ni, Off season tomato anih vangin a man a hniam thei lo a, kar khatah tum 2 an lo thin a, tum khatah Quintal 5 vel an lo chho tan a ni. 

He hunah hian Saitual District Horticulture Officer Jacob Lalmalsawma chuan Greenhouse kalpui anih dan te leh Tomato, Sawhthing leh Hmarchapui thar anih dante a sawi a. Greenhouse 45 chu chhungkaw 13 in an enkawl mek thu leh hma chak takin khaw mipuite nena an lak thu a sawi. 

Minister C. Lalsawivunga chuan khawtlang mipui hmalakna chu fakawm a tih bakah kut tlinglo leh a dawna dawn hmanga sum lakluh chu sim a, taihmakna leh thawhrimna nen kut tlingin sum kan thawk chhuak tur ani tih thute a sawi a. Khawtlang mipui te harsatna chu chinfel pui vat an nih turte a sawi tel bawk a ni. He hunah hian Minister in Greenhouse Tomato pawh a luh pui a ni.