ZALEN May 24, 2026: Aizawl Traffic Police chuan dan bawhchhiatna hrang hrang avanga khawpui chhunga chetsualna thleng thin titlem tur leh mipui him zawk nan Inrinni zan dar 9:00 hnu lam atanga Pathianni khawvar dawn thlengin Aizawl khawpui hmun hrang hrangah Special Drive an nei.

Special Drive an neih zarah dan bawhchhiatna hrang hranga inhnamhnawih mi 74 zet an man.

An mante chu bike ri ring 12; licence nei loa khalh 12; lirthei khalh chak lutuk leh hlauhawm taka khalh 3; rui chunga khalh 4; helmet khum lo, wrong side-a tlan leh mi pathum chuang 43 te an ni.

Lirthei khalhtu leh neituten dan zawm kawnga tan la thar zel turin Aizawl Traffic Police chuan mipui an chah a. A tul anga Special Drive kalpui zel tur a nih thu an sawi.