ZALEN July 20, 2026 : Tripura Director General of Police (DGP) Anurag Dhankar chu vawiinah khan Agartala Police Headquarters a pisaah thia hmuh a ni.

The Hindu-in a tarlan danin tukin zing dar 11 velah khan Anurag Dhankar hi a pisa-a bathroom-ah a lut a, a lo chhuah har deuh avangin a thawhpuiten kawngkhar chu an hawng a, pindan chhungah thia hmuh a ni a. Agartala Medical College & GBP Hospital panpui a nih hnuin doctor-ten a thi tih an puang.

He thil thleng chungchangah thuneitute chuan thuchhuah an la nei lo a, mahni intihlum nia ngaih a ni a. Police-te chuan thil thleng hi an chhui zui mek a ni.

Anurag Dhankar hi kum 1994 batch IPS officer a ni a. Kum 2025 May thlaah khan Tripura Police Director General (DGP) mawhphurhna hi a la a. Tripura-ah hian kum sawmthum chuang a lo thawk tawh a ni.