ZALEN September 10, 2026 : US Consulate Kolkata chuan nizan khan Dr. Vanlalsiama Chhangte, Medical Director, Ebenezer Medical Center chu Citizen Liason Volunteer of the Year Award, Hotel Regency, Aizawl ah a hlan. 

Award hi Warren Newton, Vice Consul in Hotel Regency ah a hlan a, US Ambassador to India Sergio Gor sign Certificate leh memento a keng a ni. Dr. Siama chuan he Award a pawmna ah thu sawiin Award hi ama dawn ni lovin, Ebenezer Medical Center dawn nia a ngaih thu a sawi.

Ebenezer Hospital tum ber chu damlo enkawlna hmanga mi nun thlak danglam (Transforming Lives through healthcare) a nih thu sawiin damlo rethei leh hausa, ram chhung mi leh ramdang mi te an damloh laia enkawltu nih chu an rawngbawlna (mission) a nih thu a sawi a ni. 

He award hi Collin Mayfield, USA Citizen Mayanmar a rahpuah bomp rap a chesual, December ni 1,2025 a Mizoram (India) a rawn hruai luh, Ebenezer Medical Center a enkawlna avanga hlan a ni.

Ebenezer Hospital ah hian thla khat vel enkawl niin Dr. Lalrinliana Varte, Ortho Surgeon in a zai a, chumi hnuah dam leh him takin hruai haw a ni ta a ni. US Consulate Kolkata aiawhte sawi danin hetiang award hi India ramah a vawi khat buatsaih a nihna niin Dr. Vanlalsiama Chhangte hi a dawng hmasa ber a ni.