ZALEN February 14, 2025: Vawiin khan Assoction for Voluntary Blood Donation (AVBD), Mizoram State Aids Control Society (MSACS), National Health Mission (NHM) leh blood bank te tangrual chuan Dawrpui Multipurpose Centre-ah V-Day Blood Donation Camp an buatsaih a, he huna khuallian Jeje Lalpekhlua, MLA pawhin thisen a pe ve nghal.

Jeje-a chuan, "Thisen petute zanwg zawng zahna chibai ka buk. Mizote hi tlawmngai hnam kan nih a, kan tlawmmgaihna avang hian kawng engkimah Mizo nih a nuam thin. Thisen pek hi tlawmngaihna lan chhuahtirna remchang tak a ni. Thisen pek hi a hlauhawm lo a, kei pawhin ka pe ve thin a, harsatna ka la tawh phah ngai lo," a ti.

South Tuipui bialtu MLA chuan, "Mizo zingah thisen vawi tam tak pe tawh mi thahnem tak an awm a, chungte chu tuna thalaite hian entawn ila, mi dangte tan malsawmna ni a, mi nunna chhan turin thisen pek i uar zel ang u. Thisen pe turin hrisel that a ngai a, hrisel turin ei leh inah fimkhur ila, kan taksa i vawng uluk theuh ang u," tiin thalaite a sawm.