ZALEN September 10, 2026 : Ministry of Youth Affairs & Sports, Government of India chuan Viksit Bharat Young Leaders Dialogue (VBYLD) 2027 chu an tlangzarh a, hemi kaihhnawih Viksit Bharat Quiz chu thalai kum 15-29 tan an buatsaih dawn a, hetah hian thalai a tam thei ang ber tel turin an ngen.

VBYLD 2027-a tel tur hian My Bharat Portal hmang tel theih a ni a, thalaite tan ram siamna kawnga an hmachhawp leh ngaihtuahna tha an neihte chu he platform hmang hian an auchhuak thei dawn a ni.

VBYLD 2027-ah hian stage 1- Digital : Viksit Bharat Quiz niin hetah hian My Bharat Portal hmangin online-a quiz chhan tur a ni a, Stage II - Digital : Viksit Bharat Essay Challenge-ah hian Online hmangin essay word 500 aia tlem lo thehluh tur a ni a, heta thupui tur hi North East ho tan chuan 'Act East Policy' tih a ni.

State III - In - Person : District PPT Championship-ah hi chuan mahni inlan tur a ni tawh a hetah pawh hian 'Act East Policy' hmanga thova inelna neih tur a ni a, heta ti tha te chu Stage IV - In Person State/UT VBYLD-ah an inel leh ang a, heta ti tha pathum te chu Stage V - In-Person : National Round of VBYLD -ah an inlan leh dawn a, January 10-12 ah New Delhi-ah Grand Nation Event neih tur a ni.

My Bharat NSS Mizoram chuan Viksit Bharat Quiz a tel tur hian Mizo thalai zawng zawng an sawm a, central lam chuan NSS volunteer an neih 30,100 te chu tel vek turin an beisei a, tunah hian tel tum 3,600 an awm tawh an ti. Viksit Bharat Quiz hi September 30, 2026 thleng hming pek luh theih a ni.