ZALEN, June 23, 2025: August thla hian Mizoram Boxing Association (MIZBA) leh Thlik Thlok tang dun chuan weight hrang palia boxer pariat inlanna tur, Golden Ring a buatsaih dawn.

MIZBA Boxing Hall, Ramhlun, Aizawla inhnekpui huaihawt tur hi India rama inelna awm thei leh boxer-te dinhmun thlir chungin a ni la tihfel chiah loh a ni.

Golden Ring hi chhunzawm zel tura ruahman niin tun tumah hian weight hrang pali - bantamweight, welterweight, light middleweight leh heavyweight huangah inhneh pakhat theuh awmin boxer pariat an inlan dawn a ni.

Weight tina inlan turte hi Mizoram chhung bakah India ram pum huap inelnaa lo feh chhuak tawh leh medal pawh lo hlawh chhuak tawh thin an ni a. Mizoram chhung inelnaah phei chuan tawnhriat nei tha tak vek an ni.

Bantamweight (50-55)-ah kum 19 mi, Lalhruaitluanga, Model Veng, Hnahthial leh a kum rualpui tho, Moses Lalruatfela, Vengpui, Lunglei an inhnek dawn a. Hruaitluanga hi ram pum inelnaah vawi ruk inlan tawhin bronze medal hnek chhuak tawh a ni a. Lunglei rawlthar hi vawi li a feh chhuah tawhah bronze pahnih hawn tawh a ni thung.

Welterweight (60-65)-ah kum 19 mi, ITI Veng, Aizawl rawlthar, Vanlalchhuanawma leh amah aia kum hniha upa, PC Remruatdika, Ramthar Veng, Lunglei an inhmachhawn dawn a. Chhuanawma hi India huap inelnaa a feh chhuah vawi li feh chhuak tawh leh Mizorama inelnaa gold pasarih la tawh a ni a. Lunglei tlangval hi vawi li feh chhuak tawh, Mizoram chhung inelnaa gold 13 hnek chhuak tawh a ni.

Light Middleweight (65-70)-ah kum 22 mi, Malsawmkima, Muthi leh a rualpui, Franky H Vanlalruatpuia, Salem Veng, Lunglei an inhnek dawn a. Muthi tlangval hi India pum huap inelnaa vawi li lo inlan tawh leh Mizoram chhung inelnaa gold panga hnek chhuak tawh a ni a. Franky-a hi Mizoram pawna vawi nga a zin chhuaha silver pakhat leh bronze pahnih la tawh a ni.

Heavyweight (80-85)-ah kum 17 mi, Franky Malsawmdawngzela, Cherhlun leh amah aia kum sariha upa, Nicholas Vanlalhumhima, Edenthar, Aizawl an insu dawn a. Cherhlun rawlthar hian Mizorama inelna a hmachhawn tawhah gold pahnih leh bronze lo hnek chhuak tawh a ni a. Nicholas-a pawh hi Mizorama gold pahnih bawk lo la tawh a ni bawk.

MIZBA leh Thlik Thlok Entertainment & Charity Network hian thawh dunna siamin a hmasa ber bakah hian Golden Ring 2 leh 3 pawh buatsaih an tum a, ruahman an siam mek.

Mizorama amateur boxing chawi vula ram pum huap leh ram chhungah pawh Mizo boxer-ten medal tam zawk an lak theih nan te, Olympic leh khawvel huap inelnaa tam zawk an tel theihna tur te, boxing hmanga thalaiten hna an hmuh tam zawk theih nan inelna tam zawk a awma boxer-te an fit theih nan hma lak tula hriaiin thawkhona hi an siam a ni.

Golden Ring-ah pawh hian lawmman an siam dawn a ni.

GOLDEN RING 1-A INHMACHHAWN TURTE:

Bantamweight (50-55)

Lalhruaitluanga, Model Veng, Hnahthial

Age – 19, height – 171 cm, reach – 175 cm, weight – 55 kg

Participate national level 6 times with 1 bronze; 8 gold, 1 silver and 1 bronze in state level.

Vs

Moses Lalruatfela, Vengpui, Lunglei

Age -19, height – 169 cm, reach – 173 cm, weight – 55 kg

Participate national level 4 times with 2 bronze; 2 gold and 1 silver in state level.

Welterweight (60-65)

Vanlalchhuanawma, ITI Veng, Aizawl

Age – 19, height – 172 cm, reach – 174.7 cm, weight – 64.5 kg

Participate national level 4 times; 7 gold and 2 silver in state level.

Vs

PC Remruatdika, Ramthar Veng, Lunglei

Age – 21, height – 168 cm, reach – 173 cm, weight – 64.8 kg

Participate national 4 times; 13 gold, 8 silver and 7 bronze in state level.

Light Middleweight (65-70)

Malsawmkima, Muthi

Age – 22, height – 178 cm, reach – 180 cm, weight – 67.5 kg

Participate national level 4 times; 5 gold in state level.

Vs

Franky H Vanlalruatpuia, Salem Veng, Lunglei

Age – 22, height – 177.8 cm, reach – 174 cm, weight – 70 kg

Participate national level 5 times with 1 silver and 2 bronze; 15 gold in state level.

Heavyweight (80-85)

Franky Malsawmdawngzela, Cherhlun

Age – 17, height – 172.72 cm, reach – 173 cm, weight – 81 kg

2 gold and 1 bronze in state level.

Vs

Nicholas Vanlalhumhima, Edenthar, Aizawl

Age – 24, height – 172 cm, reach – 182 cm, weight – 85 kg

2 gold in state level.