ZALEN July 22, 2025 : Mizoram Judo Association chuan World Police and Fire Games, Birmingham, Alabama, USA-a Gold Medal la Zemabawk North nula Lalhumhimi lawmna hun vawiin khan Mizoram Judo Hall, Zemabawk North-ah an hmang.

Lalhumhimi hian kum 2017 khan SSB (Sashastra Seema Bal), Central Armed Police Force a zawm a, World Police and Fire Games khel tur hian a kalkawng a thui hle a, June, 2024-a neih All India Police Judo cluster 2024 Guwahati, Assam-ah khan state hrang hrang atanga Police Judo khel thiam zing ah -52 kg huangah Gold medal a la a. Gold medalist ho hi India Police aiawha khel tur a thlan an ni a, Patiala, Punjab-a India camp-ah May, 2025 atang khan coaching camp an tan a, June 24, 2025 khan World Police and Fire Games 2025 chu khel turin USA an pan a ni. 

World Police and Fire Games 2025 hi Birmingham, Alabama, USA-ah khelh a ni a. India tan hian Judo bikah Mipa 7 leh Hmeichhia 6 an tel a, Hmeichhia hian Gold - 3, Silver - 3 an la a, Mipa hian Gold - 2, Silver - 1, Bronze - 4 an la a ni. Humhimi hian Final-ah Indonesian hnehin a Champion a ni. 

June 31, 2025 khan US atangin India an lo let a, lo haw tlang nghal pawh duh mah se, Senior National Judo championship tur atan inpuahchah a ngaih avangin an hmunpui Delhi-ah a practice chhunzawm turin a in report leh nghal a ni.

Lalhumhimi'n Mizoram tan Medal a lak tawh te chu :-



Junior National ah Silver -2

Bronze -1 

Senior National ah Gold -1

Bronze - 4

All India Police Judo cluster ah Gold-2

Silver - 1

Bronze -1

National Games Gold medal -1 (Gujarat 2023)

International lam ah hian vawi 3 lo fehchhuak tawh a chung te chu:

Grand Slam 2019 Germany 

Dushanbe Grand Prix 2023 Tajikistan 

Croatia Grand prix 2023