Nimin chawhnu dar 1 khan Zaituahrem Poetry Group ten July 2014 chhunga Poetry tha bera an thlan Esther Vanlaldiki Ralte, Chaltlang, Aizawl hnenah lawmpuina certificate leh Rs.1000 an hlan a, heng lawmman te hi Aizawl Press Club ah MJA President Vanlalrema Vantawl chuan a hlan a ni. Zaituahrem Poetry Group hi April 2014 khan din a ni a, Mizo thalaite thu leh hla lama hma an sawn theihnan nasa takin hma an la a. Thalaite tan poetry hmanga intihsiakna siamin July 2014 chhunga a tha ber ah Esther-i poetry 'Kawlno hnim riai saw' tih chu an thlang a ni.