ZALEN, August 5, 2026: Chhingchhip Venghlun Branch Young Mizo Association (YMA) chuan an member zing dar 2 vela luhkhunga khawih tumtu hremna pe turin ngen.

Chhingchhip Venghlun YMA chuan thuchhuah siamin July 28, 2026 zing dar 2 bawr velah khan an member Livelihood Co-ordinator, MzSRLM, BDO Office, Lungsen chu Lalchamliana (23), Lungsen chuan a mutna pindanah luhkhungin a mu lai chu a ka hup sakin thlabar takin a siam tih an tarlang.

Branch YMA chuan an member chungchanga pawi khawihna hi pawi an ti tak zet tih tarlangin, thuneituin dan anga hma la tura an beisei thu an tarlang a. Pawi khawihna tuartu an member chu a tawp thlenga an thlawp tur thu an tarlang bawk.

He thil chungchang chhui chhuahsaktu Officer In-charge (OC), Lungsen Police Station, MzSRLM BDO Office, Lungsen leh staff zawng zawngte hnenah lawmthu an sawi a, an member thlabar taka awm thlamuantu Chhim Veng Branch YMA, Lungsen te chungah lawmthu an sawi a ni.