Aizawl: Mizoram a zirtirtu pawl hrang hrang Mizoram Primary Teachers Association (MPTA), Middle School Teachers Association (MSTA), Mizoram Secondary School Teachers Association (MISSTA) leh Higher Secondary School Lecturers Association of Mizoram (HISSLAM) te chuan Mizoram a zirna in te chu calendar inangtlang hman an duh thu Education Department ah an thlen. Zalen thudawn danin zirtirtu pawl hrang hrangte hi tunkar khan inhmukhawmin kum 2017-2018 Academic Session atang chuan zirna in hrang hrang ten Calendar inangtlang deuh hman ni thei se an ti a, zirtirtu pension hun pawh kum 62 ah tisang tura sawrkar ngen nise tih an rel bawk. Zirtirtu pawl hruaitute hnen atanga thudawn danin tun dinhmunah chuan school tan hun leh chawlh hun hi a inanglo zung mai a, hei hi a theih chin chinah siamthat nise kan duh a ni, an ti. School calendar chungchang Zalen in a biak naah School Education Director K.Lalthawmmawia chuan tuna calendar hman mekah hian luh hun leh chawlh hun hi a inanglo zung mai a, Board exam avangin a sang lam Higher leh High School aia Primary school ten school an kal rei zawk thin avangin sawiselna a awm deuh a, siamthat dan kan zawng mek a ni, a ti.