ZALEN August 20, 2026 : Nimin khan a vawikhatna atan Zoram Medical College & Hospital (ZMC&H)-ah Open Heart Surgery (Coronary Artery Bypass- Graft) chu hlawhtling taka neih a ni.

Lung zai thiam Cardiothorasic Surgeon Dr. Mary Hmingthantluangi leh phai lam atanga doctor thiam lokal Dr. Intekhab Alam, Cardiothoracic Surgeon, Apollo Excel Hospital, Guwahati ten hlawhtling takin damlo kum 69 mi an zai a. Damlo hian thla 6 kalta khan heart attack neiin lung natna ah chuan zai hautak ber chi Triple Vessel Disease natna a vei a, darkar 6:30 chhung zet an zai a ni.

Doctor-te hian thisen zam pawimawh pathum block te an siam that chhungin, damlo lungphu an titawp lailawk a. Lung hnathawh hi khawl hmanga chhawk niin, thisen zam siam that anih hnuah lung hi an tinung leh a. Lung-a thisen zam chhia te siam that nan hian damlo ke-a thisen zam leh damlo awm (chest) a thisen zam te an hmang a ni.