ZALEN Nov. 7, 2025 : Vawiin hian Mizo Hnam Runah chhung inkhawm neih a ni a. He hunah hian MNF Treasurer Lalruatkima chuan thusawiin, "ZPM chuan sawrkarna an chelh hnuah an zia an thlak ta vek a. Pathian hla nena lungkuai thei ang bera zai dual dual ṭhin kha, tunah chuan Vai love song nen 'Jubi Jubi jubi' tiin an lam ta suau suau mai a. Naktuk an programme closing-naah pawh magic show-te an tia, mitdawivaih hmanga indawi tlin an tum niin a lang," a ti.

Lalruatkima chuan, "Inthlan a hnai telh telh a, MNF kan lungrual telh telh a. ZPM erawh chu pawl hrang hrangah an inṭhen a. ZNP ziding leh lut tharte an inbakkaih nuai nuai mai a, an thawkho hleithei meuh lo," a ti a. "ZPM chuan an candidate pawh an zuar tawh lo, an thukru daih a, thu pawh an sawi tir tawh mang lo. Ruling an nih hi tlinpui an tum ta ringawt mai a ni," a ti bawk.

MNF Treasurer chuan, "ZPM hian engti kawng zawng pawhin he by election-ah hian tlin an tum niin a lang a. A zawrh theih zawng zawng an zuar a, a tiam theih theih an tiam pawp pawp a. ZPM-a lut duh chu Ration card var aṭangin a pawlah kan dah ang, te an tia. Mipui an lo à bik lo a, DCSO-ah an zawtfiah a, chuti ngawtin a lo theih si lo a. An tlak hlau lutuk hian mipui bum pawh an hreh ta lo hial a ni," a ti.

#ZalenNews