ZALEN July 8, 2026 : Zoram Peoples Movement chuan an Consultant C. Laltanpuia chu party hruaitute rawn lova Press Conference ko a, ZPM party ti hming hliau zawnga a chet avanga leh ZPM sawrkar nasa taka a sawichhiat avangin an chawlhtir tih an Officer Order tihchhuah-ah tarlan a ni.

C. Laltanpuia hi ZPM Danpui Article 38(2) in thuneihna a pek angin ZPM General Headquarter President Lalliansawta chuan Consultant a nihna atang hian vawiin 8.07.2026 (Nilaini) hian chawlhtir a ni tih tarlan a ni.

Primary member a nihna chungchang erawh chu ZPM Political Affairs Committee (PAC) ngaihtuah tura tih a ni.

ZPM Treasurer hlui C. Laltanpuia, tuna ZPM Party in Consultant a nihna an hlih tak leh PAC member ni mek chuan nimin khan Aizawl Press Club-ah chanchinthar thehdarhtute a kawm a, hetah hian a party awmna a duh khawp lohna point 14 leh a policy te puanzarna a nei a ni.