ZALEN September 2, 2026: Dr. Lalthangliana, MLA-in Assembly session-a Memorundum of Settlement (MoS) leh Inner Line Regulation (ILR) chungchangah Calling Attention Motion-a a putluh chuchanga debate tura sawmna leh rawtna chungchangah ZPM chuan Assembly pawn lama Debate neih ṭul an tih tawh loh thu thuchhuah an siamah an tarlang.

Mizoram Legislative Assembly Session-ah 27.8.2026 khan Dr. Lalthangliana, MLA chuan Memorundum of Settlement (MoS) leh Inner Line Regulation (ILR) chungchangah Calling Attention Motion a pulut a. Hemi chungchangah hian Chief Minister Lalduhoma chuan Debate neih ni se tih a rawt a. Leader of Opposition Lalchhandama Ralte, MLA chuan Debate neih nan ni khat dang Session pawhsei ni se tih a rawt bawk a ni. 

He rawtna hi Speaker-in emaw, a rawttu ngei leh Member dang tute mahin an sawi zui tak loh avangin Assembly House chhungah chuan Debate hi neih a ni ta lo a ni.

Thawhtanni khan MNF Hnam Run chhung inkhawmah MNYF President Gogo Lalremtluanga chuan Chief Minister hi debate neih puiah a sawm a, a ni tur te pawh a ruat, mahse, ZPM chuan he issue chungchang hi fiah tawk takin Media hrang hrangah sawizui a ni a. Thudik hre duhtu te tan chuan a chiang tawk em em tawh a ni. Chuvangin, Assembly pawn lama Debate neih hi ṭul an ti tawh lo a ni.