ZALEN November 12, 2025: ZPM chuan vawiin khan an Party Office-ah 2025 LADC, MDC Election atana an candidate tur mi 25 chu President Lalliansawta chuan a puang.

Lalliansanga chuan bial 25-a inthlanna neih turah hian candidate tur beisei mi 116 an awm tih a sawi a, an party-in a ruat Search Committee ten ngun takin heng ho dinhmun hi an zirchian hnuah ZPM Nomination Committee chu ngun taka ngaihtuahin LADC Election 2025 atana an candidate tur hi an puang ta tih a sawi.

Candidate puanna hi live a tihchhuah a ni a, Lalliansawta chuan candidate nih tum mi tha tak an nei chu lawmawm a tih rualin a thlangtu nih a harsat thu a sawi a, candidate chang ta lo te pawh party tana thahnemngai taka thawk chhunzawm turin a sawm a, LADC-ah sawrkarna ngelnghet tak a awm theihna turin lai mipuite ZPM candidate vote turin a sawm.