ZALEN October 30, 2025 : ZPM Tuirial East Block chuan thuchhuah an siamah MNF Tuirial East Block hruaitute chuan Nisapui High School leh Lungmuat Middle School-ah te kal chilhin, 'ZPM Sawrkarin kan ram an hralh' tiin zirlai naupang, rilru thianghlim tak takte rilru kuai her thei zawngin thu sawina hun an hmang an ti.

ZPM Tuirial East Block chuan October 29, 2025-a MNF Party-te'n Mizoram puma FCAA duh lohna lantirna atana Total Bandh an huaihawt ni hian Zoram mipuiin theihtawpin an thlawp a. Heti chung chung hian MNF Tuirial East Block hruaitute chuan Nisapui High School leh Lungmuat Middle School-ah te kal chilhin, 'ZPM Sawrkarin kan ram an hralh' tiin zirlai naupang, rilru thianghlim tak takte rilru kuai her thei zawngin thu sawina hun an hmang a. He an thil tih tur hi SDEO leh DEO-ah hriattir a nih loh bakah tu hnen atang maha phalna lak pawh a ni lo a ni, an ti.

Politics inchirhthehna lam hawi zawng leh Party leh Party inbeihna lam hawi zawnga zirlai naupangte hnena thu an thehdarh a, an Zirna In ngeia kal chilh an ni hi ZPM Tuirial East Block chuan hriatthiam harsa an ti a. Zirlai naupang, nakin lawka ram hruaitu la ni mai tur te thinlungah hetiang thu an tuh hi an dem an ti.