STATEMENT OF ZORAMCHHANA SAILO VICE PRESIDENT,

ZPM THALAI HEADQUARTERS MNF SORKARIN REIEK TOURIST RESORT CHU SUM SIAMNA ATÂN A HMANG.

Ni 14.07.2023 khan Tourism Dept hnuaia Reiek tlânga hnathawh hrang hrangte chu ZPM Ṭhalai hruaitute chuan a en dik a, Reiek tlâng tihchangtlunna atân hian “Component 1 of Development of Immediately Required Infrastructure for Tourist Development at Reiek Tlang,” tih sanction amount atan Rs. nuai 560.00 dah niin, hna hmutu hi DJ Consultancy Services, Peter Street, Sikulpuikawn a ni a, Restricted Tender hmangin hna hi pek a ni. Hei bakah hian Departmental Work leh PWD Poject Division-I atanga hnathawh Rs. nuai 114.4 a awm bawk.

DJ Consulatncy Service hna hmuh hi kum 2020 atanga thawh tan a ni a, thla 18 chhung, December 2021 ral hmaa thawh zawh tur niin, hun tiam chhunga an zawh theih loh avangin hun an dil belh a, thla 13 chhûng pek belhin January 2023 a thawh zawh tura tih kha a ni. He hna hi Works Components 12-ah then niin, sanction amount leh hnathawh hrang hrangte a inmil lo hle- ah ZPM Ṭhalai chuan a ngai a ni. Work Components 12 zingah Main Gate siamna atân Rs. nuai 53.07 lakh leh Parking Area siamna atâna Rs nuai 148.70 lai mai an dah leh an hnathawhte chu thil awm lo lutuk leh sum siamna dik takah ZPM thalai chuan a ngai a ni.

He Parking Area pavement hi rod tel lova chhun a ni bawk. Work Components zinga Construction of Parking Approach Rs. 18.94 lakh leh Repair and Renovation of Amphitheather Rs. 95.61 lakh zet senna-te phei chu a awmna hmun hi ZPM Ṭhalai hian a hmu zo lo a ni. Reiek tlâng-a DJ Consultancy te hian an hnathawh hi Total Estimate Amount-ah cheng nuaih 560 a nih lain RTI chhannaah chuan pawisa hmanna hi cheng nuaih 447.22 chauh niin cheng nuaih 82.78 lai a hmanna tarlan a ni lo bawk a ni. Reiek tlâng cheina atân hian DJ Consultancy Service te' n 2020-2023 chhung khan Rs. nuai 560 man lai an thawh bakah hian kum 2022 khan Department Work-in nuai 81.68 man zet sawrkârin a ruahman leh a, hetia Rs nuai 81.68 zet senna atan hian component 9 a then darh niin, component pakhatna atanga pathumna heng:- in pakhata room pahnih awmna cottage 101 & 102, Cottage 103&104, Cottage 105&106 siam thatna atan hian nuaih 10.56 theuh sen a ni a, heng cottage te hi a chhuat Glass Tile leh a bang tile pangngai leh a chung ceiling quality chhe tak hmangin an thlak a, a kawngkhar thenkhat thlak bawkin rawng an hnawih tha a, hei bakah components 4-na leh 5-na, cottage pakhata room pahnih awmna tho :- Cottage 107&108 , Cottage 109&110 siam thatna atan hian Rs nuai 7.99 lakh ve ve ruahhmanna siam leh a ni bawk.

ZPM thalai chuan heng room pahnih chauh awmna cottage pakhat atan nuaih sawm chuang fe pawisa an sêng leh cottage pahnih dang leha Rs nuai 8 dawn ruahhman a ni hi tam a tiin, sum ruahman leh an hna a inmil lo hle-in a hria a ni. Component 6-na, Repair and Renovation of Deluxe 1 atana Rs nuai 4.90 leh Repair and Renovation of Deluxe II atan Rs. nuai13.05 ruahhman a ni bawk. Delux I ah hian rawng hnawih bak engmah thil danglam hmuh a ni lo a, heti chunga Rs nuai 4.9 a lo thlawna a ral mai hi a mak hle a ni. Tin, Delux II ah pawh hian kawngkhar pahnih, rawng hnawih leh LED bulb thlak chauh thawh a ni, heti chunga Rs nuai 13.05 sen a ni hi kan hrethiam lo hle a ni.

Hei bakah hian components 9-na a an rawn dah, Repair and Renovation of Convention Hall atan Rs nuai 16.08 dah a nih laiin, ceilling pawp hmun hniha an bel bakah, bathroom partition chu duraturf ft 4 square pawh tling fumfe lo tur hmun hnih vel chauha pin leh rawng hnawih that a ni, nuaih 16.08 zet senna atana hetiang chauh chei that a ni hi kan hrethiam lo hle a ni. Thil mak leh zual nia lang chu, hetiang zat sen a nih tawh hnuah pawh hmasawnna tam tak hmuh theiha a awm beisei a nih laiin, kum 2022 vek khan 'Repair and Renovation of Reiek Tourist Lodge & Zokhua' atan nuai 32.48 lai mai PWD Project Division-I atangin sawrkârin a ruahman leh a, hetah pawh hian component chi hrang hranga then darh a ni leh a, components 1- 5 atan hian Repair and Renovation of Cottage 101&102, 103&104, 107&108, 109&110 siam thatna atan hian cheng nuai 3.2 theuh, a vaiin heng cottage pali atan hian cheng nuai 12.8 lai mai a ruahman leh a, heng pawisa te hi eng atan nge hman a nih? ZPM Ṭhalai chuan a hre lo a ni.

Heng bakah hian Zokhua chei ṭhatna atâna nuai 10 chuang dah ni si a, hnathawh mumal hmuh tur awm lo-te, Cafeteria atana nuai 2.65 ruahmante, Rest Hut Roof siamna atâna nuai hnih dawn senna te hi thil awm lo tak niin ZPM Ṭhalai chuan a hria a ni. 2020 atanga 2022 chhung, kum 2 chhung lek a Mizoramin khualzinte hipna atân leh kan ṭhalai, nu leh pa leh zirlai naupang lam thlengin tlawh kan chak leh hmuh kan chak em em, Reiek Tourist Resort atana cheng nuai 680 chuang zet sen a ni chung pawha, hmasawnna tur thil thar hmuh tur a la awm fum fe lo leh sum ruahhmante pawh mahni hlawkna atan leh mahni worker-te pawisa siamna atan maia hman nia a lang hi ZPM Ṭhalai chuan pawi a ti hle.

Kan ram rohlu hmanga sum siam a ni hi Mizoram thalaite rilru a nain, ṭhalaite'n an ngai thiam lo hle a, he thil dik lo titu hi ZPM Ṭhalai chuan a dem hle a, thil dik lo titute'n hremna an tawh ngei hi ZPM Ṭhalai chuan a duh a, he thil dik lo chungchangah hian a changtu Minister Pu Robert Romawia Royte hi insawifiah ngei turin ZPM Ṭhalai chuan a phut a ni.