ZALEN April 23, 2026 : ZPM Vice President W Chhuanawma'n party-a a nihna chelh atangin banna a theh lut.

ZALEN thudawn danin, Tuichang bialtu MLA W Chhuanawma hian, taksa lamah harsatna a neih avangin ZPM Vice President (elected) nihna a chelh atangin banna hi nimin khan a theh lut a, pawm a nih leh nih loh erawh hriat a la ni lo.

Taksa lama harsatna a neih avangin Mizoram Assembly Budget Session hnuhnung berah khan Tuichang bialtu MLA W Chhuanawma hian House a luahlum thei meuh tawh lo a ni.

ZPM party hian Vice President pathum an neih mek zingah, W Chhuanawma chiah hi elected a ni. Appointed Vice President pahnihte chu VL Zaithanzama leh C Lalnunnema te an ni.

Hetih lai hian, ZPM Vice President hmun ruak hlawh khat tur hian tuna ZPM Political Affairs Committee (PAC) elected member Lalmuanpuia Punte, Hrangturzo bialtu MLA ni bawk chu Vice President post luah khat tur hian a khan hle nia thudawn a ni.

Nilaini atang khan Chief Minister Lalduhoma'n ZPM President nihna a chelh tawh bawk a. President ni lai, Lalliansawta chu taksa lam harsatna avangin hun eng emaw chen a chawlh a ngaih dawn avangin, a chawlh chhunga president dinhmun lo luah turin ZPM Legislature Party Leader hi president charge la turin ZPM party hian an ruat a ni.