ZALEN June 2, 2026: Excise & Narcotics Department. Government of Mizoram chuan hriselna kaihhnawih vanga IMFL kawl leh zu in phalna 'Red Card' an pechhuak dawn tih vawiin khan thuchhuah an siam.

Mizoram sawrkarin Section 45 B(1) of the Mizoram Liquor (Prohibition) Ammendment Act, 2025 tlawchhanin phalna hi pek chhuah tur a ni a, hriselna kaihhnawh thil avanga Zu kawl leh in phalna "Red Card' permit dil duh chuan a dil theih a. Coomissionerate of Excise & Narcotics, Khatla, Aizawl. Opposite Aijal Club-ah leh District hrang hranga Excise & Narcotics office-ah dilna form lak theih a ni.

Dirlna form man hi Rs. 50/- (Cheng sawmnga) a ni a. Red card hi a diltu hnena pek a nih chuan, kum khat a nung ang : Red Card fee hi kum 1 atan Rs. 5,000/-a a ni ang.