ZALEN January 10, 2025 : Mizoram Pollution Control Board atanga thu hriat danin 2024 Kumthar zan aiin 2025 Kumthar zanah boruak bawlhhlawh dan a tlahniam hle.

Mizoram Pollution Control Board-a Scientist Dr. Lalramnghaki Pachuau sawi danin 2024 Kumthar-ah khan boruak bawlhhlawh zawng tehna Air Quality Index (AQI) ah 597 a hawlh laiin 2025 Kumthar-ah boruak bawlhhlawh zawng chu AQI 115 a ni a, boruak bawlhhlawh zawng tehnaah heng zanlai pahnih-ah hian a inthlau hle a ni.

Dr. Lalramnghaki sawi dan chuan AQI 597 hian boruak bawlhhlawh tehna a hlauhawm chin a chhiar AQI 500 a pelhna hi a sang hle a, AQI 115 erawh a him chin a nih thu a sawi bawk.