ZALEN July 24, 2025 : July 31 hi Mizoram Cooperative Apex Bank dinchamphaphak a ni a. Hemi ni pual leh a lawmna atan Aizawl khawchhunga City Bus 20-ah chuan man a awm dawn lo a, heng City Bus service man hi Apex Bank hian a tum dawn a ni.

Hemi ni bikah hian Apex Bank hian City Bus 16 chu Mipui tan bus fair chawi ngai lovin an hire dawn a, hetah hian a thlawnin a chuan theih ang, Ngaizel leh Zemebawk inkarah hian a thlawna chuan theihna bus 16 a tlan dawn a, Sihphir leh Ramrikawn service-ah pahnih ve ve a thlawnin an tlan dawn bawk. 

Apex Bank te hian District hrang hrangah pawh Branch manager leh staff-te hmalaknain mipui te'n a thlawna an hman turin 2 wheeler leh Auto Rickshaw te service tir an tum bawk a ni.

City Bus hi Ngaizel leh Zemabawk inkarah hian nitin 150 vel an tlan thin a, Ramrikawn-ah hian 20 an tlan a, Sihphir leh ZMC-ah hian pariat ve ve an tlan a, Ainawn-ah pahnih an tlan thin bawk.

Apex Bank hian City Bus 20 an hire tur te hi Aizawl City Bus Owner Association (ACBOA) rate angin pakhat hi Rs. 6,000 zelin an hire dawn a ni. Tin ACBOA hian dan an neih chu heng a free a service te hi an Bus pawnah free a service an nih engmah tar an phal lo a, a chhungah chauh tar phal a ni.