ZALEN August 18, 2025: Inrinni chawhnu dar 2:10 khan Mamit district Saikhawthlir ram chhung Diltlang Lui zau-ah Assam police leh forest miten rubber huan an suasam.

Saikhawthlir khaw mi pahnih-te rubber chinna huan hi Assam Police mi 8 leh Forest mi pahnih-te chuan suasamin an rubber phun sa leh la phun loh thlengin an tihchhiatsak a, an hmanrua te an chhuhsak bawk. 

Rubber hmun an suasam te hi Zoliana rubber kung phun tawh 240 leh la phun lohte bakah Loba rubber kung 50 te a ni . He lai hmuna rubber chinte hi Chief Minister Rubber Mission hnuaia kalpui a ni a. Rubber phuna hna thawka awm hmanrua te hi Assam official-te hian an chhuhsak bawk a ni. 

Tun thla ni 5 khan helai hmun ah hian lokalin rubber chinna hmunte hi an rawn thlithlai a, hemi tum hi chuan huan neitute pawh hawihhawm ang reng taka bia-in thla te an la a, an kir leh mai niin sawi a ni bawk.

#ZalenNews