ZALEN August 24, 2025: August 27 & 28, 2025-a Mizoram Legislative Assembly fur thutkhawma ngaihtuah turin sawrkar bill pathum a lut tawh. 

Thudawn danin bill lutte hi Land Revenue & Settlement department atanga lut, ‘The Mizoram Land Revenue Amendment Bill, 2025;’ Social Welfare atanga lut, ‘The Mizoram Prohibition of Begarry Bill, 2025’ leh UD&PA atanga lut, ‘The Mizoram Local Body Ombudsement Bill, 2025’ te an ni a. Session-a ngaihtuah tur hian official resolution pakhat EF&CC atanga lut awmin paper lay tur pariat a awm tawh bawk.

Hriat theih chinah session-a chhan tur hian zawhna, ‘starred question’ 242 leh ziaka chhan chi zawhna, ‘unstarred question’ 120 a lut tawh bawk.

Session tan niah hian July 21, 2025 zan dar 9-a Max Hospital, New Delhi-a thi, Dampa bialtu MLA Lalrintluanga Sailo leh Rajya Sabha MP hlui, Ronald Sapa Tlau sunna hun hman a ni ang.