ZALEN September 2, 2025: Central Silk Board Scientist team te chuan vawiin khan Thenzawla Muga Silkworm Seed siamna tur hmun te chu fang kualin an endik a, a hmunhma leh Muga pangang chaw, Bul thing te tha an tih thu an sawi a, Mizoram chu Muga silkworm khawina atan duhthusam a nih thu leh hun lo kal zel turah Mizorama theihna awmte tangkai leh zuala hman anih theih nan theih tawp an chhuah tur thu an sawi.

Central Silk Board Scientist team te hi MESSO Director Dr. M. Maheswari chuan a kaihruai a, B Lalchhuana, Deputy Director, Sericulture Dept, Govt. of Mizoram bakah District Sericulture Office hotuten an tawiawm bawk a ni.

Central Silk Board, Ministry of Textiles, Govt of India leh Department of Sericulture, Govt of Mizoram tangkawp hma laknain, August 19-20, 2025 khan Tualcheng, Khawzawl leh Thenzawl-ah te nipui lai a Muga pangang khawi programme an neih mek chu joint supervision neiin an lo tlawh tawh a ni.