ZALEN October 3, 2025: Chhinga Veng chuan an veng chhungah pem lehkha mumal nei lo chu an vengah chen an phal tawh dawn lo a, an venga dawr neite pawhin an awmna veng YMA emaw Local Council emaw lehkha an neih loh chuan dawr siam an phal tawh dawn lo.

Chhinga Veng Local Council leh NGO te chuan nimin khan Chhinga Veng chhunga dawr kai, Mizoram khua leh tui nilo vaiin an hnatlang a, mi eng emaw zat khua leh tui ni lo hi an hmuchhuak a, an dawr titawp nghal turin an ti. 

Local council leh NGO te hian Joint Meeting thuchhuak an lo neih tawh sa bawhzuiin, Veng pawn mi Chhinga Veng a dawr kaite pawh an awmna veng mi leh sa nihna lehkha thehlut vek turin vek turin an hriattir a, October 10, 2025 thleng hun an pe a, hemi chhunga thehluh tur nei lo chu an dawr tih tawp tir an tum.

Chhinga Veng Local Council leh NGO te chuan August thla chhung kha hun an lo pe tawh a, mahse, September thla kha Beihrual a nih avangin an bawhzui lo a, October hian chet an la nghal a, vawiin pawh khan khua leh tui ni lo vai hna hi an thawk chhunzawm leh a ni.