ZALEN Sept. 10, 2025 : Mizoram Pradesh Congress Committee (MPCC)-in Dampa bial by-election neih tur a an candidate atan John Rotluangliana, Ex Minister an puang.

Candidate hi an party President Lal Thazara chuan vawiin khan an office, Congress Bhavan-ah a puang a, an candidate tur hi John Rotluangliana MPCC Vice President ni lai a ni.

John Rotluangliana hi nimin khan MPCC Vice President atan ruat a ni a, kum 1993-ah Lokichera bial-ah MLA atan thlan tlin a ni a, kum 2008 leh 2013 MLA inthlanahte Mamit bial atanga thlan tlin niin, Deputy Speaker a nih tawh bakah, Supply, Transport leh Tourism Minister a lo ni tawh bawk.

Dampa bialtu MLA Lalrintluanga Sailo boral avanga by - election neih turah hian sawrkar lai ZPM party chuan August ni 25 khan an party candidate atan Vanlalsailova an lo puang tawh a, September ni 3 khan MNF party chuan an candidate atan Dr R Lalthangliana an lo puang tawh bawk a ni. 

#ZalenNews