ZALEN July 30 : Mizoram Contract Health Worker Association (NHM) chuan vawiin khan Chief Minister Office kawtah lungawi lohna an lantir a, Health Worker nghet 100 lak turah NHM hnuaia Contract Health Worker 50 tal dah ngheh an phut a ni.

Mizoram Contract Health Worker Association (NHM) worker aiawh te leh Chief Minister hian inbiakna an nei a, mahse, anni lam hian thu lawmawm engmah an dawn lo an ti a, an hmalak zel dan tur chu Health Department hnuaiah awm National Health Mission Employees Union Mizoram (NEUM) hnuaia awm an nih ang hemi te hmalakn an ngaichang phawt dawn tih ZALEN an hrilh.

Contract Health Worker te chuan National Health Mission hnuaia Mizoram Sawkarin Health Worker regular post 100 direct recruiment a lak tura advertisement a chhuah chu hriatthiam har an ti a. Hun rei tak atanga an lo nghah tawh leh an lo beisei em em, Minister te pawhin an lo sawi hmuh, seniority angin a tahtawlha dahnghet tura an inngaih lai a, hetianga ruahmanna a awm hi pawm harsa an tih thu thu thuchhuah an siamah an lo tarlang tawh bawk a ni .

Mizoram Contract Health Worker Association (NHM) chuan an duh leh beisei ang ngeiin sawrkar in Post 100 a lak turah mi 50 tal NHM hnuaia Contract Health Worker hna thawklai te hi min dahnghet ngei turin an phut a ni.

Tin, tuna Health Worker advertisement chhuak ah hian NHM hnuaia thawklai ten kan dil ve ngei theih nan computer certificate neilo leh kum over tawh, hun rei tak Mizoram hmun kilkhawr tak taka awm thin te (computer zirna hun leh hmun pawh awm lo) hi min hrethiamin kan dil ve theih dan tur sawrkar hian ngaihtuah sak se an ti.