ZALEN August 20, 2025 : Mizoram Kuhva Chingtu pawl chuan tunlai a, Foreign Kuhva smuggling a sumdawng an la awm reng chu a pawi a tiin Ramleilungfa Kuhva chingtuten an Kuhva thar chhuah hralhna kawngah harsatna a thlen thin an ti. 

Kuhva rah thar a hun leh dawn a, kut hnathawk tuten harsatna an tawh loh nan Mizoram sawrkar a thu neitu leh an police te pawh in nasa leh zualin hma la se, an duhin an beisei bawk a ni. 

August thla chhung pawh Police leh Assam Rifles ten hmun thum ngawt a dan lova foreign Kuhva ro tawlh luh an man hi Mizoram kuhva chingtu pawl General Headquarters chuan lawmawm an tiin, Mizoram Police leh AR te rintlak zia leh fakawm zia a takin an hmu chu lawmawm an ti a, thlamuan thlak an ti. 

MKCP member zawng zawngten foreign Kuhva ro dona kawngah hma chak zawk a la turin Headquarters chuan ruahmanna a siam dawn a, khaw hrang hrang a, MKCP Branch leh member te Foreign Kuhva ro smuggling do turin lo in kau reng turin a chah bawk a ni.