ZALEN August 17, 2025: Ni hnih awh Mizoram Legislative Assembly fur thutkhawm neiha ngaihtuah turin sawrkar bill pakhat a lut tawh.

ZALEN thudawn danin bill lut awm chhun hi Land Revenue & Settlement department atanga lut 'The Mizoram Land Revenue Amendment Bill, 2025' a ni a. Official resolution pakhat EF&CC atanga lut awmin paper lay tur 2 a awm tawh bawk. Hriattheih chinah session a chhan tur hian zawhna 'starred question' 242 leh ziaka chhan chi zawhna 'unstarred question' 120 a lut tawh bawk. 

Speaker hova Bussiness Advisory Committee thukhawmin ruahmanna an siam dan chuan session hi August ni 27 & 28, 2025-ah neih a ni dawn a. Session tan niah hian July ni 21,2025 zan dar 9-a Max hospital, New Delhi a boral Dampa bialtu MLA Lalrintluanga Sailo sunna hun hman a ni ang.