ZALEN Sept. 25, 2025 : Mission for Integrated Development of Horticulture (MIDH) Special Intervention 2025-2026 hnuaiah Champhai District-a Grape kung upa tawh tuaithar lehna tura hmalakna chu nimin khan Champhai Tlangsam-a Winery-ah a bultanna neih a ni.

MIDH Special Intervention 2025-2026 hmang hian Grape upa tawh tuaithar lehna turin Horticulture Department chuan Grape chingtute hnenah leitha (Neem Cake) kg 75, leichi (NPK 20:20:20) kg 30, Staking Cord (tui pipe) roll khat, rannung thahna (Imida-cloprid) 200 ml, a natna enkawlna damdawi (Blue Bordo) Kg 4, a kahna (Battery Operated Sprayer) leh a tang tanna (Secateur) chu Grape chingtu mi 360 hnenah Unit khat theuh a thlawnin pek an ni dawn a, heng an thil pek turte hi Rs. 14,770 hu niin Champhai-ah hian Grape chingtu mi 277 awmin Hnahlanah mi 83 an awm a, he hun hi Horticulture Secretary Maria CT Zuali chuan a hmanpui a ni.