Aizawl: India mipui ten hriselna kawnga hma an sawn theihna tura beitu Tapsi Upadhaya chuan Mizoram tlawhin hmun hrang hrangah campaign a nei.

Mission Healthy Bharat hotu Tapsi Upadhaya hian India mipuite hriselna, sik leh sa bakah dinhmun chawikan nan hma a la a. A hmalak bultanna hi March 2023 khan Meerut, Uttar Pradesh-ah bul tanin motor cycle in km 4000 chuang a zin tawh a, India ram state 28 leh UT 8 te tlawh chhuah vek a tum.

Tapsi Upadhaya hian Mamit district a Bawngva khuaah campaign a nei a, St. Fancis of Assisi high school leh DIET, Mamit-ah hun a hmang tawh bawk a. Aizawl a college thenkhatah hun hman leh a tum bawk. Aizawla hun a hman zawh hian Kolasib lam panin Manipur state-ah kal zel a tum.

#ZalenNews