ZALEN May 6, 2025 : Mizoram Board of School Edication (MBSE)-in vawiina HSSLC Examiniation 2025 a tihchhuak taka Science stream-a pakhatna, Cynthia Lalhlupuii Shanpliang chu HSLC-ah pawh pakhatna a lo ni tawh.

St.Paul’s Higher Secondary School zirlai, Cynthia-i hi kuminah hian Physics, Chemistry leh Biology (PCB)-ah mark 99 vek hmuin subject pathumah hian topper a ni vek bawk.

Cynthia-i hi 2022 HSLC-ah khan St.Paul’s Higher Secondary School atang thovin Topper a lo ni tawh bawk.

An unau hi lehkha thiam thei tak niin a u, Simon Lalremsiama Shanpliang pawh hi kum 2022 HSSLC exam-ah khan Science Stream-ah tho Mizoramah pakhatna a lo ni tawh bawk.