ZALEN May 6, 2025 : ZPM Thalai chuan HSSLC exam zawh taka 100% failed schools te chu sawrkarin a tul anga enzui tur leh thuam that an ngaihna lai te enfiah turin thuneitute an ngen.

ZPM Thalai Headquarters, Aizawl chuan Mizoram Board of School Education (MBSE) buatsaih Higher Secondary School Leaving Certificate (HSSLC) Examination 2025 result rang tak tihchhuah a ni chu lawmawm an tiin hnathawktute inpekna ah lawmthu an sawi.

2025 HSSLC Result chhuak ah hian pass percentage 81.10% a ni a, Zirlai 12105 in Exam an appeared-a zirlai 9817 ten hlawhtlinna an chang chu ZPM Thalai chuan a lawmpui a, Comparmental chance nei Zirlai 91 leh hlawhtling rih lo zirlai 2197 te pawhin hmalam hunah hlawhtlinna duhawm tak an chan zel theih nan duhsakna a hlan.