ZALEN August 1, 2025 : Vairengte leh Sairang inkara bungraw phur tangkhat motor ruak leh Aizawl lam pan chho lam 542 chhuah a ni a, Supply Minister in a hmun a tlawh hnu July 26 atanga vawiin August ni 1, 2025 thleng hian Tuialhthei trip 412 a lo lut tawh.

Tuialhthei lut te hi : LPG = Trip 82 (Cylinder 27548), HSD/ Diesel = Trip 163 (2596 KL), MS/ Petrol = Trip 158 (2376 KL) leh XP = Trip 9 (85 KL) a ni a, heng tuialhthei te hi Mizoram hmun hrang hrang a mi tur a ni.

Nizan leh nimin khan Mualkhang/Khamrang atanga Kolasib/Assam pan lirthei 344 chhuah an ni a, Bungraw phur Kawnpui atanga Aizawl rawn pan 198 an rawn lut a, heng zingah hian LPG truck - 25 leh Tank lorry 49 (MS 19, HSD 23, Mix 6 leh thlawhtui trip 1 a tel.

Lirthei chhuk leh chho te hi an vaiin 542 an ni a, tunah hian Aizawl pan tur lirthei tangkhang 441 an la awm a, Kawnpui-ah 46 leh Rengtekawn 395 an la tangkhang a ni.