ZALEN October 21, 2025 : Vawiin Lalduhoma chuan Dampa Bial By-Election neih tur atan, Dampa West Block Campaign chu New West Phaileng-ah a Kick-off a, he huna thusawitu ZPM by-election candidate Vanlalsailova chuan a tlak leh chuan a zah hle tur thu a sawi. 

Vanlalsailova chuan candidate atana puan a nih ațanga party hruaitute leh Campaign Committee hmalakna leh ţawiawmna zawng zawngah lawmthu sawiin, unit leh block thawhrimna leh inpeknaah lawmthu a sawi a. "Kan bial hi opposition bial aţanga ruling biala awm ve tur leh he bial chhanchhuak tur hian, party sawi lova min vote vek turin ka ngen che u a ni," a ti a. Kum 2023 inthlana hnehna a chan zawh loh avangin bial mipuite hnenah ngaihdam a dil. 

ZPM candidate chuasn "Kan bialtu MLA boral ta Pu Lalrintluanga Sailo hmalakna leh duhthusam tihlawhtling tur leh ruling bial ni ngei turin, ruling bial nih leh theihna hun țha rawn inher chhuakah hian theih tawp min chhuahpui turin ka ngen che u a. Chutih rualin ka elpuite hi thiamna leh tawnhriatah pawh ka tluk lohte an ni. Amaherawhchu, he bial hmangaihna kawngah hi chuan min tluk lo ang," a ti a. "Ka tlak nawn leh chuan a zahthlak hle dawn a ni," tiin bial mipuite khawngaihna a dil.