ZALEN Sept. 16, 2025 : All Mizoram CSS Employees Coordination Committee (AMCECC) chuan vawiin atanga Sitting Demonstration neih an tum chu kaltlangpui an tum.

All Mizoram CSS Employees Coordination Committee (AMCECC) chuan Mass Casual Leave hmanga sawrkar laka lungawilohna an lantir hnuah awmzia a neih loh avangin vawiin ni 16.9.2025 atang hian Sitting Demonstration neih turin an rel a. Nimin tlai khan Lalmuanpuia Punte Adviser to Chief Minister chuan CSS hnathawk te hi a chamber ah meeting neihpuiin an inbia nia hriat a ni a, mahse an inbiakna hian rah tha chhuah lovin vawiin atang hian sitting demonstration neih an tum ta niin thu dawn a ni.

Sitting Demonstration neih an tumna, MINECO Open Gym bul chu Aizawl District magistrate in mi 5 aia tam punkhawm khapna a siam zingah a tel avangin hmun dangah an sawn dawn nia thu dawn a ni. Lungleiah chuan chawhma dar 10:00 atangin mizofed kawrah sitting demonstration hi an nei dawn nia thu dawn a ni bawk.

Hetihlai hian DR&AR chuan office memorandum tichhuakin sawrkar hnathawk dan loa thiltite lakah dan angin na taka hmalak a nih dawn thu an tarlang.

#ZalenNews