ZALEN October 12, 2025: Mizoram sawrkara taxation department-in kumin (2025-26) April-September chhunga chhiah a hmuh tawh zawng zawng zat chu Rs. 6,50,38,32,446 a tling a, kawng siamna tur, ‘road maintenance cess’ a hmuh pawh Rs. 24,51,86,131 a tling tawh.

Taxation department tar lan danin, kumin thla ruk chhunga chhiah hmuh tawh Rs. 6,50,38,32,446 zinga Rs. 4,65,48,88,985 chu GST atanga hmuh a ni.

Profession tax atangin Rs. 10,24,67,352 hmuh ni bawkin sales tax atangin Rs. 1,25,60,73,847, road maintenance cess atangin Rs. 24,51,86,131 leh entertainment tax Rs. 30,000 hmuh a ni tawh.

Hetihlai hian taxation department hian kum kal ta, 2024-25 chhung khan chhiah chi hrang hrang atangin Rs. 11,49,81,88,170 an hmu.

Sawrkar kum kalta chhung khan April, 2024-ah chhiah hmuh tam berin hemi thla hian Rs. 1,65,01,97,183 hmuh a ni a, sum hmuh tlem ber thla, September, 2024-ah Rs. 64,91,61,389 hmuh a ni.

2025-26 a chhiah hmuh dan

Thla/Kum Hmuh zat

April, 2025   Rs. 1,79,51,94,242

May, 2025   Rs. 81,28,30,654

June, 2025   Rs. 84,79,99,728

July, 2025   Rs. 1,49,36,32,258

August, 2025   Rs. 73,85,45,328

September, 2025   Rs. 81,56,30,236

TOTAL     Rs. 5,68,82,02,210