ZALEN July 23, 2025; Vawin ni 23, 2025 (Nilaini) chawhnu dar 2:30 vel khan Chaltlang Lily Veng, sairang road Tipper dinna bul khâm awihlai takah Mizo mipa tlangval kum 20-30 inkar, hming, veng leh khua hriatloh a tla hlum. A ruang hi tlailam dar 4:30 vel khan sawrkar emergency (Rescue team) ten an la chhuak.

A hmunah hian Bawngkawn Police, Chaltlang Lily veng Local council member leh Chaltlang Lily veng Branch YMA hruaitu leh member awm remchang ten an buai a. Police lamin an tihtur an tihzawh hnuah Civil Hospital Morgue house ah a ruang hi dah phei a ni. A ruang dah phei lai thleng hian tunge hriat a la ni lo.

#ZalenNews