ZALEN July 27, 2025 : Thla 15 kalta, April 2024 atanga June 2025 inkar chhung khan Kolasib district-ah HIV hrik kai thar 110 hmuh a ni.

District Aids Prevention & Control Committee chu Kolasib Addl. DC B. Malsawmtluangi hovin an thukhawm a. Kolasib district-a AIDS natna darh dan te, a darh zel loh nana an hmalakna te leh thil pawimawh tak tak sawiho a ni.

District ICTC Supervisor, Lalhmingsanga’n report a pek danin tun dinhmunah Kolasib district-ah AIDS vei mek, ART la mi 1,310 an awm a. April, 2024 atanga June, 2025 chhung hian HIV hrik hi mi 110-in an kai thar a, HIV hrik pai mekte zingah hian mipat hmeichhiatna atanga inkaichhawng hi a tam ber niin 81.81% a ni.

Hriau leh syringe inhman tawm avanga inkaichhawng 16.36% niin, nu leh pa atanga kai 1.81% an ni bawk.

Heng zingah hian homosexual/bisexual kai mi panga an awm bawk a ni.