ZALEN July 15, 2025; Land Resources, Soil & Water Conservation Department tarlan danin, Mizoram sawrkarin kuhva chin belh a khap dawn lo.

Central sawrkar atangin kuhva chin hi khapna “Order” a awm chiah lova, nimahsela, Ministry of Agriculture & Farmers’ Welfare (Horticulture Division)-in India ram hi kuhvaah kan intodelh rih niin a hria a. Chuvangin, Kuhva chin belh zawnga hmalak tul a tih tawh loh bakah Mizoram sawrkar pawh kuhva chin belh zawnga hma la rih lo turin Ministry of DoNER lam a hriattir a ni. 

Amaherawhchu, Mizoram sawrkar chuan kuhva chin belh hi a khap dawn lova, thlai dang nena chin pawlh (multi–species cropping) pah a kalpui zel a tum a ni. Hetih lai hian, kuhva chin belh kawngah central sawrkar thawhpui erawh a rem tawh dawn lo a ni.

#ZalenNews