ZALEN July 23, 2025; Mizorama upa ber ni a rin Famiangi kum 117, Pangkhua chu nimin khan a thi.

Famiangi kum 117, Pangkhua, Lawngtlai District hi khawtlang hruaituten an chhinchhiahdan chuan Kum 1908 a piang niin, Huathmung leh Suisung te fa niin, Heinawna (L) nen inneiin fa pariat an nei.

Famiangi hi Khupthum hmuin a dam a, Tu 195 neiin, Tu chhuan khatna 51 neiin, Tuchhuan hnihna 122, Tuchhuan thumna 22 a nei.

Famiangi hian Pathian malsawmna a dawng nasain, kum upa tak a nih thlengin a hriselna a tha viau tih khawtlang hruaitute chuan an sawi a, kum 2023 Assembly Election ah pawh Vote la thlakin, Election thuneitu lamten chawimawina an hlan nghe nghe.

Famiangi hi taksa chaklohna in a tlakbuak ve zeuh zeuh a, a kum a lo tam deuh tawh nen amah pawh a chaklo tial tiala, tun thla July 2025 hian a chaklo zual deuh a, theihtawp chhuaha enkawl a nih hnu ah, nimin (July 22, 2025) zinglam dar 7 khan a chenna In ah a thi a ni.

Famiangi Kum 117 hi nimin khan Lairam Isua Krista Baptist Kohhran, Pro Pastor, H.Lalhimawma'n chawhnu dar 2 khan vuiin, Pangkhua thlanmual ah phum a ni.

#ZalenNews