ZALEN July 28, 2025; Nimin chawhnu khan NH 306&06 kawng dunga lirthei tangkhang driver te hnenah eitur leh tui thianghlim pek an ni.

Kolasib DC Bungalow a, kawngpui dunga Driver tangkhang te eitur sem chungchanga emergency working committee thutkhawmna leh Kolasib DC Circuit House a FCS&CA Minister, B Lalchhanzova leh Deputy Speaker leh Bialtu MLA nibawk, Lalfamkima ho a buhfai sem tur leh ei leh in tur leina tur pawisa fai ngaihtuah a thutkhawmna neih a lo rel tawh angin, a mamawhtute hnena sem hna hi Kolasib atanga hmar lamah chuan KDTOA & MTDA leh an phungbawmte kutah dah felin, chhim lam chu Kolasib Sub-Hqrs. YMA kutah a dah a ni. Nimin khan he sem hna hi thawh tan nghal niin, lirthei khalhtute hi buhfai, dal, tel, purunsen leh tui thianghlim pek an ni.

Tun hnaiah hian NH306&06 kawng chhe thawmthat hna thawh mek anih avang hian kawngpui dungah lirthei thahnem tak a tangkhang a. Lirthei tam zawk dinna hmun te hi Rengte-tlangsang, Bilkhawtlir, Bualpui, Kawnpui leh Khamrang bulah te an ni.

#ZalenNews