ZALEN October 20, 2025: Chhinga Venga Local council leh NGO's te chuan an vengchhunga dan diklo a sumdawngte an dap chhunzawm a, vawiin khan Mizo hmeichhe hming hawha sumdawng mi pahnih an hmuchhuah belh.

Chhinga Veng hruaitute chuan phalna neilo a sumdawngte hi October ni 30, 2025 hma-a inchingfel turin hriattir an nih thu an sawi a, Mi hming hawha sumdawngte hi bawhzui zel tura thudah a ni a, an dawra QR Code an dah chu Local Council leh Jt. NGO te hian an scan sak a, pawisa pawh Vai hnenah a lut ngei tih finfiah nghal a ni an ti.

Vawiina an man chhuahte bakah hian Chhinga Veng Local Council leh Jt. NGO Coordination hian October ni 3, 2025 leh October 18, 2025 khan an venga phalna nei lo sumdawngte hi October ni 30 hma a in chingfel turin hriattir an lo ni tawh bawk.